Kia ora. Nau mai ki Aroha. He mātāpono tēnei mea, te aroha, nō te ao Māori, nō mai anō. He taonga te aroha nō te whatumanawa, e rongo ai te tangata i te hononga ki te ao wairua, ki te ao kikokiko, ki te taiao whānui hoki. Whāia ngā ara e nui ake ai te nā o te manawa me te ngākau atawhai o tētahi ki tētahi, o te tangata ki a ia anō, o te tangata ki tōna ao, mā te nui ake o te aroha i ō tātou nā ao. Mā roto i ngā whakataukī e 52, e tārai ana te toki mātai hinengaro, a Tākuta Hinemoa Elder, i te mana o te aroha ki ngā whārangi o te puka nei, waihoki, e whakatakotohia ana e ia āna kupu arataki hei āwhina i a tātou i ia rā, i ia rā.